Una sa tanan, buot magpasalamat ang mga miyembro sa Sangguniang Kabataan (SK) Council sa Brgy. Buru-un sa mga aktibong mga lumulupyo sa atong komunidad sa pagsalmot ug pagpakabana sa mga aktibidad sa SK niadtong bulan sa Hunyo hilabina ang mga Katipunan ng Kabataan (KK) Presidents sa matag purok uban sa ila usab nga mga "supportive" ug "buotan" nga Purok Presidents.
Dako ang kalipay nga gibati sa SK Council sa malampuson nga pagpahigayon sa SK and KK General Assembly 2010 nga nahitabo atong Hunyo 30, 2010 sa alas dos sa hapon sa atong Brgy. Gym. Wala man nakatambong ang kadaghanan, maingon gihapon nga nagmalampuson kadtong aktibidad tungod sa mga maayong huna-huna ug ideya nga gipaaabot sa mga nanambong aron mapanindot pa ang mga programa sa SK alang sa kaaayuhan sa mga kabatan-onan sa barangay Buru-un.
Sa mga ningbisita sa atong "blog" aron makakita ug mukopya sa mga "pictures", naay PHOTO Gallery section kining atong "blog" sa "left side." ( Just click the link of the event! =D )
Ang bulan sa Hulyo buot gamiton sa SK Council nga panahon para sa preparasyon sa atong 2ND MASS BLOOD LETTING kauban ang RED CROSS-ILIGAN CHAPTER sa umaabot nga AGOSTO 8, 2010. Sugdan na usab ang pag-program sa RENOVATION kun RECONSTRUCTION sa atoang SK Hall and Office karong bulana. Trabaho-on na pud ang mga dokumento ug mga resolusyon para sa mga SPORTS EQUIPMENT nga ihatag sa matag purok. Daghang papeles ang kinahanglan pang i-preparar. Nanghinaot mi sa inyong kooperasyon ug pagsabot kay kining tanan dili man para sa amoa kundi para sa tanan ug para sa kalamboan ug kaayuhan sa atong komunidad.
DAGHANG SALAMAT SA INYONG MAKANUNAYONG PAGSUPORTA!
Kanunay nga nagserbisyo kaninyo,
SK Council- Brgy. Buru-un
0 comments:
Post a Comment